ఉత్తరాఖండ్ రాష్ట్రం యూనిఫాం సివిల్ కోడ్ (UCC) అమలు చేయడం ద్వారా చరిత్రలో కొత్త అధ్యాయాన్ని ప్రారంభించింది. ఈ చట్టం ద్వారా పౌరుల కోసం వివాహం, విడాకులు, లైవ్-ఇన్ రిలేషన్షిప్స్, ఆస్తి హక్కులు, దత్తత వంటి అంశాలపై సమానమైన చట్టాలు తీసుకువస్తారు. ఈ చట్టం లక్ష్యం లింగం, మతం, కులం లేదా కులంపై ఆధారపడి వివక్ష లేకుండా సమానత్వాన్ని నెలకొల్పడం.
యూనిఫాం సివిల్ కోడ్ గురించి మాట్లాడుతూ, ఉత్తరాఖండ్ ముఖ్యమంత్రి ధామీ UCC గురించి ఇలా అన్నారు: “యూనిఫాం సివిల్ కోడ్ వివక్షను నిర్మూలించడానికి రాజ్యాంగపరమైన చర్య. దీని ద్వారా ప్రతి పౌరుడికి సమాన హక్కులు ఇవ్వడానికి ఇది ఒక ప్రయత్నం . దీని అమలుతో మహిళలకు సమాజంలో సమాన హక్కులు పొందుతారు.” యూనిఫాం సివిల్ కోడ్ లింగం, కులం లేదా మతం ఆధారంగా ఎవరికీ వివక్ష చేయదు. ఇది ఏ మతం లేదా మతసముదాయానికి వ్యతిరేకంగా కాదు అని నేను మళ్ళీ స్పష్టం చేస్తున్నాను”. అని ఆయన అన్నారు.
- హలాలా, బహువివాహం, బాల్య వివాహాలు మరియు ట్రిపుల్ తలాక్ వంటి అన్యాయాలను పూర్తిగా నివారించడమే లక్ష్యం.
- లైవ్-ఇన్ రిలేషన్షిప్‌లలో జన్మించిన పిల్లలను చట్టబద్ధంగా గుర్తించడం మరియు వారికీ సమానమైన ఆస్తి హక్కులు కల్పించడం కూడా ఈ చట్టంలో ఉంది.
- ఈ చట్టం షెడ్యూల్డ్ తెగలకు (Scheduled Tribes) వర్తించదు.
UCC ప్రకారం, 21 సంవత్సరాల పైబడి ఉన్న లైవ్-ఇన్ రిలేషన్షిప్‌లో ఉన్న జంటలు తప్పనిసరిగా తమ సంబంధాన్ని నమోదు చేసుకోవాలి. 21 సంవత్సరాల కంటే తక్కువ వయసున్న వారు తమ తల్లిదండ్రుల అనుమతిని పొందాలి. ఇది జంటల భద్రత మరియు హక్కులను రక్షించడంలో ముఖ్యమైన నిర్ణయం.
- సంబంధం నమోదు చేయకపోతే, మూడు నెలల జైలు శిక్ష లేదా రూ. 25,000 జరిమానా విధించబడుతుంది.
- ఒక నెలకు మించిన ఆలస్యం జరిమానా లేదా జైలు శిక్షకు దారి తీస్తుంది.
UCC అమలుతో, మహిళలకు అసమానమైన హక్కులను తొలగించి వారి సాధికారతను పెంచడం లక్ష్యంగా తయారు చేయబడింది. ఇది ఒక మతం లేదా సముదాయంపై దాడి చేయడమేమీ కాదు, అందరికీ సమానమైన హక్కులు ఇవ్వడమే ప్రధాన ఉద్దేశ్యం. ముఖ్యంగా, వివాహం చేసుకునే వయస్సు పురుషుల కోసం 21 సంవత్సరాలు, మహిళల కోసం 18 సంవత్సరాలుగా నిర్ణయించడం ద్వారా, యువత ముందుగా విద్యను పూర్తి చేయడం కోసం ప్రోత్సహించబడుతుంది. అన్ని మతాల పౌరులకు ఈ చట్టం సమానంగా వర్తించుతుంది. ఈ చట్టం దేశవ్యాప్తంగా సమానతను నెలకొల్పడంలో కీలకపాత్ర పోషిస్తుంది.
ALSO READ :” NIRMALA SEETHARAMAN 8th Budget 2025 : భారత ఆర్థిక వ్యవస్థకు కొత్త జోరు !”
ALSO READ : DeepSeek-AI: చైనీస్ ఆర్టిఫిషియల్ ఇంటెలిజెన్స్ విజయగాథ
